Тар заман

«Тар заман» тәуекелге барған тұлғалардың тағдырларын, ел тарихының аумалы-төкпелі кезеңдерін таспалаған туынды. Телехикаяда Алашорда үкіметін құру барысындағы тартысты пікірлер мен Алаш зиялылары арасындағы саяси қарым-қатынас, достық, сатқындық, мүдделер қақтығысы да көрсетілген. Сондай-ақ, Алаш зиялылары мен қарапайым халықтың бастан кешкен қиын-қыстау кезеңі, ұлттық тұтастық пен бірліктің қазақы өлшемі, жалпақ жұрттың махаббаты мен ғадауаты баяндалады. Қазақ даласының Ақпан төңкерісін қалай қабылдағаны, Ұлт-азаттық көтерілістегі азаттық мұраты, Қазан төңкерісінен кейін тұтас қоғамның неге қақ жарылғаны да негізгі оқиғаға арқау болады.