Рауан

Телехикая жас та болса, өмірдің бар ащысын татып үлгерген бойжеткеннің талайлы тағдыры туралы. Балалар үйінде өткен ауыр шақ, атар таңды ұйқысыз қарсы алған толассыз күндер, кейін жасөспірімдер колониясы. Түрмеден бостандыққа шыққан бойжеткен анасының тірі екенін естігенде үміт оты қайта жанғандай болады. Ол енді өзіне жарық дүние сыйлаған анасын табу мақсатын алдына қояды. Алайда, ең ауыры – бұл дүниеге келгенде перзентханада мұны басқа баламен ауыстырып жіберген өзінің туған анасы екенін білу еді.